DATENBANK

1473, 19. Mai: Girtgin nagelaissen weduwe wilne Johans van Merle Das Haus Overstolz steht 1476 dem Johann von Werle und seiner Gattin Bela angeschrieben.

1477, 11. Dezember Schrein St. Martin Saphiri, fol. 171a: Kunt sy dat Johan van Merle ind Beilgin elude yre sievendedeill, Thonis van Merle syn broder syn sievendedeill, Gerhart van Wesell ind Girtgin elude yre sevendedeill, Johan Frydach ind Guetgin elude yre sievendedeill ind Neesgyn van Merle ouch yre sievendeill eyns huyss genant zo der Schuren as dat ligt in der Ryngassen mit allen synen zobehoeren ind des huyss genant Ghebuyrshuys ouch gelegen in der Ryngassen by der amptlude huse zo dem Maltzbuchell wert as dat ligt bynnen synen vier muren as sy darane up desen selven datum in Generali geschreven steent gegeven ind erlaissen haint as die eyne helffte da van Peter van Merle ind Beilgyn eluden ind die andere helffte Pauwell van Merle, also dat na vergaderunge dis ind eyns geschrichtz in Generail anno present! geschreven nu haint Peter ind Beilgyn die eyne halffscheit ind Pauwel vurß. die andere halffscheit der alinger erfftzalen vurß. mit rechte zo behalden zo keren ind zo wenden in wat hant sy willent behalden den erfflichen zynss yrs rechten. Datum ut supra.

1480, 3. Februar Schrein St. Martin Generalis, fol. 3a: Kunt sy dat die herren Johan Busschoff der jonge ind Herman van Eilse scheffen zo Coelne uiss yrem schryne an der burgerhuyss uns her geurkunt haint van worde zo worde alsus ludende: Kunt sy dat in dem jare unss herren do man schrieff duysent vierhondert nuynindseventzich up sundach des 26 dages in septembri die eirsame Peter van Merle ind Beelgyn syne elige huysfrauwe yre samen testament ind vermechnis van alien yren erven ind erfflichen tzynssen ind renten ind ouch gereider ind varender haven ind gueden gemacht ind geordinyert haven ligend in unß herren der scheffen schryne as gewoenlichen is beheltnis yren samen vurvermechnis uppe ind umme yrer erfftzalen ind unbewegelichen gueden dienend in synre crafft ind macht zo bliven ind gehalden zo weirden, da dat hie innen desem yrem testament ind vermechnis nyet verändert wurde, in wilchem yrem samen testament ind vermechnis vurß. eyne clausel geschrieven steit van worde zo worde alsus ludende: Vort hait der vurß. Peter van macht syn ind synre huysfrauwe vurß. samen vurvermechnis so verre hey vur Pauwels synen broider ind ye Beelgyn syne huysfrauwe sunder nalaissende geburt van yn beiden geschaffen doitzhalven affgienge bescheiden besat ind betirmpt deme selven Pauwels synen broider halffscheit der erven gnant zo der Schuren ind des Gebuyrshuyss by ein ander in der Ryngassen gelegen mit yren zobehoeren as die van des selven Peters alderen ind synre mitgedelinge deilonge wegen an yn komen ind geboerende weren, eyne mit deme huyse ind hoeffstat da hynden in dem Viltzengraven uissgainde, mit recht zo behalden zo keren ind zo wenden in wat hant der selve Pauwels wilt behalden daran der selver Beelgyn yrer lyfftzuicht zo gebruichen, doch was des selven Peters begerde mit, dat syn broider Pauwels vurß. asdann dese halffscheit der selver erfftzalen ind erven nyet zo vremden henden stelte noch komen liess dan an den synen bewanten, ind off hey dat ader darover dede ader doin weulde, so sali dese gifft ind besetzonge asdan daran ave ind nyet syn ind dese halffscheit der erfftzalen vurß. sali asdan sterven ind erven an des selven Peters sementliche broedere ind sustere, glych off die Pauwels vurß. nyet alleyne besat were, ouch also dat der selve Pauwels ind syne erven asdan dartgain bynnen jaire ind dage nyest na doide der lest levendiger hant van Peter ind Beelgyn eluden vurß. voulgend eyns geven ind betzalen sali synen broideren ind susteren as Johann, Thonis, Guetgyn, Girtgyn ind Neessgyn yederem vierhondert marck Colsch paymentz ind dat dartzo asdan der selve Pauwels so lange yeme dat gelegen ind in syme vermögen is die guede gewoende yrrer seligen alderen halden ind alle ind yecklichs maindages in der wechen eyns vunff armer mynschen in deme huyse zo der Schuren vurß. spysen zo der eren Gotz ind heill ind troist yrer seien. Protestatum ut supra (anno 80 3 febr.). Dese hundert gulden van Thonis wegen synt betzailt, videlicet infra anno 89.

1480, 3. Februar Schrein St. Martin Generalis, fol. 3a: Kunt sy dat wir macht des testamentz vermechnis ind gifft as in desem nyesten vurnotum geschreven steit Pauwels van Merle zo syme gesynnen geschreven hain an halffscheit des huyss gnant zo der Schuren as dat licht in der Ryngassen mit allen synen zobehoeren ind an halffscheit des huyss gnant Gebuyrshuyss ouch gelegen in der Ryngassen by der amptlude huyse zo dem Maltzbuchell wert as dat licht bynnen synen vier muyren sd wie dat in Saphiri anno 77 geschreven steit die selve halffscheit overmitz den egnanten Pauwels mit recht zo behalden zo keren ind zowenden in maissen dese verstrickonge nyest vurß. uisswyst behalden ouch Beelgyn des egnanten Peters huysfrauwen darane yrer lyfftzuicht ind den erfflichen tzynssen ind mailich syns rechten. Datum ut supra. Zo wissen dat Pauwels van Merle der vurß. halffscheit Geirtrud syne elige huysfrauwe mit yeme gesellich ind deilafftich gemacht hait gesamenderhant mit recht zo behalden zo keren ind zo wenden in maissen dese verstrickunge nyest vurß. uisswyst ind behalden den erfflichen tzynssen ind der lyfftzuicht yrs rechten. Datum anno 84 die 8 aprilis. Up die gerechticheit Pauwels vurß. hait Severyn Duyme eyn gebot gedain ind begert nyet usszogain dat gebot en sy untsat as recht sy. Protestat. Hermannus de Glesch ind Johan Dauwe. Anno 87 die 19 decembris. Anno 88 up den 13 dach novembris hait Severyn vurß. up dat gebot vertzegen. Anno 88 is die gerechticheit vurß. van wegen Johans van Merle in verbot gelacht, videlicet infra anno 88.

1481, 16. Juni Schrein St. Martin Saphiri, fol. 1a: Kunt sy dat Johan van Merlle ind Beelgyn syne elige huysfrauwe yre halffscheit der lyfftzuicht sy haint an den erven in dem nyesten notum geschreven gegeven ind erlaissen haint Pauwels van Merlle yrem broider ind swager mit recht zo behalden zo keren ind zo wenden in wat hant hey wilt. Datum ut supra. Zo wissen dat Severyn Duyme dise gerechticheit Pauwels vurß. eyn gebot gedain hait ind sulchs nyt uisszogain dat gebot en sy yrst untsat as recht is. Protestatum Hermannus de Glesch ind Jo. vamme Dauwe scabini. Anno (14)87 die 19 decembris. Zo wissen dat Johan van Merlle up die vurß. gerechticheit vurwynnonge ind geboden gedain nyt uisszogain die geboden syn untsat as recht is. Zo wissen dat Severyn Duyme up dit gebot vertzegen hait anno 88 die 13 novembris.

1484, 8. April Schrein St. Martin Saphiri Zo wissen dat Pauwels van Merle der halffscheit der vurß. erven Geirtrud syne elige huysfrauwe mit yeme gesellich ind deilafftich gemacht gesamenderhant mit recht zo behalden zo keren ind zo wenden in wat hant sy willent. Datum anno 84 die 8 aprilis.

1487, 19. Dezember Schrein St. Martin Saphiri Zo wissen dat Severin Duyme die gerechticheit der erven vurß. as Pauwels van Merle daran hait eyn gebot deme selven Pauwels damp gedain ind vort begert der gerechticheit nyet uisszogain dat gebot en sy yrst untsat as recht is. Protestatum Hermannus de Glesch et Johannes Duwe anno 87 die 19 decembris.

1488, 13. November Schrein Martini Saphiri, Zo wissen dat dese gerechticht in verbot gelacht synt, videlicet infra anno 88 in Generali. Anno 88 hait Severyn up dat gebot vertzigen 13 novembris. fol. 4b: Kunt sy dat Pauwels van Merle ind Geirtrud syne elige huysfrauwe up den driden dach octobris nyest vurleden as dat Johan van Stralen ind Everhart Suderman as amptlude unss her geurkunt haint ind in deme tzeichenbouche geschreven steit yrre halffscheit des huyss gnant zo der Schuren as dat licht in der Ryngassen mit alien synen zobehoren ind yre halffscheit des huyss gnant Gebuyrshuyss ouch gelegen in der Ryngassen by der amptlude huyse zo deme Maltzbuchell wert as dat licht bynnen synen vier muyren so wie dat in Generali anno 81, item vort yre ander halffscheit der vurß. erven so wie sy vur anno 77 (geschreven staint), ind dan yre lyfftzuicht der vurß. erven so wie sy vur anno 81 darain geschreven staint, gegeven ind erlaissen haint Johann van Merle ind Beelgyn syme eligen wyvemit recht zo behalden zo keren ind zo wenden in wat hant sy willent behalden den erfflichen tzynssen der verstrickongen ind mailich syns rechten. Datum anno (14)88 die 13 novembris.